SSC Result 2026: आज दहावीचा निकाल! ‘या’ लिंक्सवर पहा निकाल, वेबसाइट स्लो झाल्यास ‘या’ दोन पर्यायांचा करा वापर

पुणे | महाराष्ट्र राज्य माध्यमिक आणि उच्च माध्यमिक शिक्षण मंडळाकडून (MSBSHSE) इयत्ता दहावी अर्थात SSC बोर्ड परीक्षेचा निकाल आज, ८ मे २०२६ रोजी जाहीर करण्यात येणार आहे. राज्यभरातील लाखो विद्यार्थी आणि पालक या निकालाची आतुरतेने वाट पाहत होते. यंदा राज्यभरातून सुमारे १६.१५ लाख विद्यार्थ्यांनी दहावीच्या परीक्षेला हजेरी लावली होती. विद्यार्थ्यांना आज दुपारी १ वाजल्यापासून अधिकृत संकेतस्थळांवर आपला निकाल ऑनलाइन पाहता येणार आहे.

महाराष्ट्र बोर्डाने विद्यार्थ्यांच्या सोयीसाठी विविध डिजिटल माध्यमांद्वारे निकाल उपलब्ध करून दिला आहे. विद्यार्थी अधिकृत वेबसाइटवर जाऊन गुणपत्रिका डाउनलोड करू शकतात. निकाल जाहीर होताच वेबसाइटवर मोठ्या प्रमाणात ट्रॅफिक येण्याची शक्यता असल्याने काही वेळा सर्व्हर मंदावू शकतो. अशा परिस्थितीत विद्यार्थ्यांनी घाई न करता काही वेळाने पुन्हा प्रयत्न करण्याचे आवाहन करण्यात आले आहे.

महाराष्ट्र SSC निकाल २०२६ : दिनांक आणि वेळ

विद्यार्थी खालील अधिकृत संकेतस्थळांवरून निकाल पाहू शकतात:

• mahahsscboard.in
• sscresult.mahahsscboard.in
• sscresult.mkcl.org
• results.targetpublications.org/
• results.digilocker.gov.in 
• results.navneet.com 

SSC निकाल कसा तपासाल आणि मार्कशीट कशी करावी डाऊनलोड? (How to check SSC results and steps to download Marksheet)

विद्यार्थी खालील स्टेप्स फॉलो करून निकाल पाहू शकतात:

• अधिकृत वेबसाइट mahahsscboard.in वर जा
• “SSC Examination February 2026 Result” या लिंकवर क्लिक करा
• “View Result” पर्याय निवडा
• आपला सीट नंबर आणि आईचे पहिले नाव टाका
• स्क्रीनवर निकाल दिसेल
• निकाल डाउनलोड करून PDF सेव्ह करा
• भविष्यातील प्रवेश प्रक्रियेसाठी गुणपत्रिकेची प्रिंट काढून ठेवा

मुख्य वेबसाइटवर तांत्रिक अडचणी आल्यास विद्यार्थ्यांना DigiLocker चा पर्याय देखील उपलब्ध आहे. DigiLocker अ‍ॅप किंवा अधिकृत वेबसाइटवर लॉगिन करून “Issued Documents” विभागात जाऊन Maharashtra State Board निवडायचे आहे. त्यानंतर “SSC Marksheet 2026” या पर्यायावर क्लिक करून रोल नंबर आणि आवश्यक माहिती भरल्यानंतर डिजिटल मार्कशीट डाउनलोड करता येईल.

इंटरनेट सुविधा नसलेल्या विद्यार्थ्यांसाठी SMS सेवाही उपलब्ध करून देण्यात आली आहे. विद्यार्थ्यांनी मोबाइलमध्ये “MHHSC” असा मेसेज टाइप करून 57766 या क्रमांकावर पाठवायचा आहे. त्यानंतर निकाल SMS द्वारे प्राप्त होईल.

दहावीचा निकाल हा विद्यार्थ्यांच्या शैक्षणिक आणि करिअरच्या दृष्टीने अत्यंत महत्त्वाचा टप्पा मानला जातो. यानंतर विद्यार्थी विज्ञान, वाणिज्य, कला, डिप्लोमा तसेच विविध कौशल्याधारित अभ्यासक्रमांची निवड करतात. त्यामुळे निकालानंतर विद्यार्थ्यांनी घाईगडबडीत निर्णय न घेता आपल्या आवडी, क्षमता आणि भविष्यातील करिअरच्या संधी लक्षात घेऊन योग्य दिशा निवडणे आवश्यक असल्याचे शिक्षणतज्ज्ञांनी सांगितले आहे.