10वी उत्तीर्णांसाठी आदिवासी आश्रमशाळा अंतर्गत ‘चौकीदार’ पदांच्या 478 रिक्त जागांची भरती; त्वरित अर्ज करा | Tribal Ashram School Recruitment 2026
Tribal Ashram School Recruitment 2026: आदिवासी विकास विभागांतर्गत चालवल्या जाणाऱ्या आदिवासी आश्रमशाळांमध्ये “चौकीदार” पदांच्या एकूण ४७८ रिक्त जागा भरण्यासाठी भरती प्रक्रिया जाहीर करण्यात आली आहे. या भरतीसाठी पात्र उमेदवारांकडून ऑनलाइन पद्धतीने अर्ज मागविण्यात येत असून, अर्ज करण्याची अंतिम तारीख २७ मे २०२६ निश्चित करण्यात आली आहे. ही भरती प्रक्रिया TCS द्वारे राबविण्यात येणार असल्याची माहिती समोर आली आहे. त्यामुळे उमेदवारांनी वेळेत अर्ज प्रक्रिया पूर्ण करणे आवश्यक आहे.
या भरतीअंतर्गत “चौकीदार” या पदासाठी उमेदवाराने माध्यमिक शालांत प्रमाणपत्र परीक्षा (SSC) उत्तीर्ण असणे आवश्यक आहे. शैक्षणिक पात्रता पूर्ण करणारे उमेदवार या भरतीसाठी अर्ज करू शकतात. निवड झालेल्या उमेदवारांना S1 वेतनश्रेणीनुसार १५,००० रुपये ते ४७,६०० रुपये इतके वेतन देण्यात येणार आहे.
पदाचा तपशील – Tribal Ashram School Recruitment 2026
| पदाचे नाव | रिक्त जागा | शैक्षणिक पात्रता | वेतनश्रेणी |
|---|---|---|---|
| चौकीदार | ४७८ | SSC उत्तीर्ण | ₹15,000 ते ₹47,600 |
उमेदवारांनी अर्ज ऑनलाइन पद्धतीने करायचा असून, अर्ज सादर करण्यासाठी आदिवासी विकास विभागाच्या अधिकृत संकेतस्थळाला भेट द्यावी लागणार आहे. अर्ज भरण्याच्या सविस्तर सूचना तसेच भरतीसंबंधित सर्व माहिती संकेतस्थळावर उपलब्ध करून देण्यात येणार आहे. अर्ज भरताना उमेदवारांनी सर्व आवश्यक माहिती अचूक आणि संपूर्ण भरावी. अपूर्ण अथवा चुकीची माहिती असलेले अर्ज नाकारले जाण्याची शक्यता आहे.
भरती प्रक्रियेअंतर्गत परीक्षा दिनांक, वेळ आणि परीक्षा केंद्राची माहिती प्रवेशपत्रामध्ये नमूद करण्यात येईल. परीक्षेच्या वेळापत्रकात किंवा प्रक्रियेमध्ये कोणताही बदल झाल्यास त्याबाबतची माहिती वेळोवेळी आदिवासी विकास विभागाच्या अधिकृत संकेतस्थळावर प्रसिद्ध केली जाईल.
तसेच प्रकल्पनिहाय रिक्त पदांचा तपशील, वयोमर्यादा, वयोमर्यादा शिथिलता, सामाजिक व समांतर आरक्षण, निवड प्रक्रिया, परीक्षा शुल्क, ऑनलाइन परीक्षेचा अभ्यासक्रम आणि अर्ज भरण्याबाबतच्या मार्गदर्शक सूचना अधिकृत संकेतस्थळावर उपलब्ध करण्यात येतील. उमेदवारांनी अर्ज करण्यापूर्वी जाहिरात आणि सूचना काळजीपूर्वक वाचणे आवश्यक आहे.
आयुक्त, आदिवासी विकास, महाराष्ट्र राज्य, नाशिक यांना आवश्यकतेनुसार परीक्षा स्थगित करणे, रद्द करणे, पदसंख्येमध्ये बदल करणे किंवा भरती प्रक्रियेत सुधारणा करण्याचे अधिकार राहतील. या संदर्भातील त्यांचा निर्णय अंतिम मानला जाणार आहे. भरती प्रक्रियेसंदर्भात उद्भवणाऱ्या तक्रारी किंवा वादांबाबत अंतिम निर्णय घेण्याचे अधिकारही आयुक्तांकडे राहतील.
अधिक माहितीसाठी उमेदवारांनी आदिवासी विकास विभागाच्या अधिकृत संकेतस्थळाला भेट देऊन PDF जाहिरात वाचावी. इच्छुक उमेदवारांनी २७ मे २०२६ पूर्वी ऑनलाइन अर्ज सादर करणे आवश्यक आहे.