Kolhapur Rojgar Melava Bharti 2026: कोल्हापूर-नेसरी येथे 21 मे रोजी रोजगार मेळाव्याचे आयोजन; 929 पेक्षा अधिक रिक्त पदांची भरती

Kolhapur Rojgar Melava Bharti 2026: नोकरीच्या शोधात असलेल्या युवक-युवतींसाठी महत्त्वाची संधी उपलब्ध झाली असून जिल्हा कौशल्य विकास, रोजगार व उद्योजकता मार्गदर्शन केंद्र, स्वामी प्रतिष्ठान, पोखरण रोड, ठाणे आणि तुकाराम कृष्णाजी कोळेकर आर्टस ॲण्ड कॉमर्स महाविद्यालय, नेसरी, ता. गडहिंग्लज यांच्या संयुक्त विद्यमाने पंडित दीनदयाल उपाध्याय रोजगार मेळाव्याचे आयोजन करण्यात आले आहे. हा रोजगार मेळावा 21 मे रोजी सकाळी 10 ते दुपारी 2 या वेळेत तुकाराम कृष्णाजी कोळेकर आर्टस ॲण्ड कॉमर्स महाविद्यालय, नेसरी येथे पार पडणार आहे.

या रोजगार मेळाव्यामध्ये 29 पेक्षा अधिक खासगी उद्योजकांनी सहभाग नोंदविला असून विविध क्षेत्रांतील सुमारे 929 पेक्षा अधिक रिक्त पदांची माहिती आयोजकांकडे प्राप्त झाली आहे. उत्पादन, सेवा, विक्री, तांत्रिक, व्यवस्थापन आणि फार्मसी क्षेत्रातील विविध पदांसाठी उमेदवारांची निवड केली जाणार आहे. त्यामुळे ग्रामीण तसेच शहरी भागातील युवकांसाठी ही मोठी रोजगाराची संधी मानली जात आहे.

या रोजगार मेळाव्यासाठी विविध शैक्षणिक पात्रता असलेले उमेदवार अर्ज करू शकणार आहेत. किमान 8 वी, 10 वी, 12 वी उत्तीर्ण उमेदवारांसह आयटीआय, डिप्लोमा, बी.ई, बी.कॉम, एमबीए, डी.फार्म, बी.फार्म तसेच कोणत्याही शाखेतील पदवीधर उमेदवार पात्र राहणार आहेत. त्यामुळे अल्पशिक्षितांपासून उच्चशिक्षितांपर्यंत सर्व स्तरातील उमेदवारांना रोजगाराच्या संधी उपलब्ध होणार आहेत.

इच्छुक उमेदवारांनी rojgar.mahaswayam.gov.in आणि ncs.gov.in या अधिकृत संकेतस्थळांवर भेट देऊन आपला पसंतीक्रम ऑनलाईन नोंदविणे आवश्यक असल्याचे सांगण्यात आले आहे. रोजगार मेळाव्यात प्रत्यक्ष मुलाखतीसाठी उपस्थित राहताना उमेदवारांनी सर्व शैक्षणिक कागदपत्रे, ओळखपत्र तसेच आवश्यकतेनुसार रिझ्युमच्या तीन प्रती सोबत आणणे बंधनकारक राहणार आहे.

रोजगार मेळाव्याच्या माध्यमातून पात्र उमेदवारांना थेट खासगी कंपन्यांशी संपर्क साधण्याची संधी मिळणार असून रोजगाराच्या नव्या संधी निर्माण होण्यास मदत होणार आहे. जास्तीत जास्त उमेदवारांनी या रोजगार मेळाव्याचा लाभ घ्यावा, असे आवाहन सहायक आयुक्त जमीर करीम यांनी केले आहे.