खुशखबर! संभाजीनगर महापालिकेत 222 पदांची भरती; जाहिरात निघाली, संधी चुकवू नका | Sambhaji Nagar Mahanagarpalika Bharti 2026

Sambhaji Nagar Mahanagarpalika Bharti 2026: संभाजी नगर महानगर पालिकेत विविध पदांच्या २२२ रिक्त जागा भरण्यास अखेर शासन व विभागीय आयुक्तांकडून मंजुरी मिळाली असून या भरती प्रक्रियेची अधिकृत जाहिरात आज प्रसिद्ध करण्यात आली आहे. छत्रपती संभाजीनगर महानगरपालिका अंतर्गत ही भरती होणार असून पात्र उमेदवारांकडून ऑनलाईन पद्धतीने अर्ज मागविण्यात येत आहेत. महानगरपालिकेतील प्रशासकीय, तांत्रिक तसेच अग्निशमन विभागातील विविध पदांसाठी ही मोठी भरती होत असल्याने स्थानिक तरुणांसाठी ही महत्त्वाची संधी मानली जात आहे.

या भरती अंतर्गत एकूण २२२ जागा भरण्यात येणार आहेत. त्यामध्ये रोखपाल, उद्यान सहायक, अनुरेखक, चालक यंत्रचालक, सहायक सुरक्षा अधिकारी, उपअग्निशमन केंद्र अधिकारी, कनिष्ठ अभियंता (स्थापत्य), स्थापत्य अभियांत्रिकी सहायक, स्वच्छता निरीक्षक, अग्निशामक तसेच पशुधन या पदांचा समावेश आहे. पदनिहाय जागांची माहिती पुढीलप्रमाणे आहे:

शैक्षणिक पात्रता पदाच्या आवश्यकतेनुसार निश्चित करण्यात आली असून इच्छुक उमेदवारांनी सविस्तर माहितीकरिता मूळ जाहिरात वाचणे आवश्यक आहे. अर्ज करण्याची पद्धत पूर्णपणे ऑनलाईन असून अर्ज सादर करण्याची अंतिम तारीख १८ मार्च २०२६ निश्चित करण्यात आली आहे. निर्धारित तारखेपूर्वी अर्ज सादर करणे आवश्यक आहे.

वयोमर्यादा २० ते २८ वर्षे अशी निश्चित करण्यात आली आहे. अर्ज शुल्क अनुसूचित जाती, जमाती, पीडब्ल्यूबीडी आणि माजी सैनिक प्रवर्गासाठी ९०० रुपये तर खुल्या प्रवर्गासाठी १००० रुपये ठेवण्यात आले आहे. अर्ज प्रक्रियेपूर्वी आवश्यक कागदपत्रे, शैक्षणिक प्रमाणपत्रे व अन्य तपशील तयार ठेवण्याचे आवाहन करण्यात आले आहे.

ही भरती प्रक्रिया महानगरपालिकेतील रिक्त पदे भरण्यासाठी तसेच शहरातील नागरी सेवा अधिक सक्षम करण्यासाठी महत्त्वाची मानली जात आहे. विशेषतः अग्निशमन विभागातील १०० जागांमुळे आपत्कालीन सेवांची क्षमता वाढण्यास मदत होणार आहे. इच्छुक आणि पात्र उमेदवारांनी अधिकृत संकेतस्थळावर जाऊन अर्ज प्रक्रिया पूर्ण करावी.

Sambhaji Nagar Mahanagarpalika Bharti 2026