कोल्हापूर: पूर पातळीनुसार शहरात पुराचे पाणी येण्याची संभाव्य ठिकाणे जाणून घ्या | Kolhapur Flood 2024

कोल्हापूर | कोल्हापूर जिल्ह्यातील धरण क्षेत्रात पावसाची संततधार सुरू असल्याने सर्वत्र पूरपरिस्थिती (Kolhapur Flood 2024) निर्माण झाली आहे. पंचगंगा नदीने इशारा पातळी ओलांडली असून सध्या पंचगंगा नदीची पाणीपातळी 40 फूटापर्यंत पोहचली आहे.

पंचगंगेची इशारा पातळी 39 फूट असून ही पातळी ओलांडल्यानंतर 43 फूट पाणीपातळी ही धोकापातळी मानली जाते. धोकापातळीला पाणी पोहचल्यास शहरातील विविध भागात पूराचे पाणी येते. जसजशी पाणीपातळी वाढत जाईल तसतशी शहरातील विविध ठिकाणे पाण्याखाली येतात.

पूर परिस्थितीच्या (Kolhapur Flood stock Image) अनुषंगाने कोल्हापूर महानगरपालिकेच्या आपत्ती व्यवस्थापन कक्षाने सन 2021 साली कोल्हापूर शहरामध्ये महापुराचे पाणी आलेल्या ठिकाणांची यादी जाहीर केली आहे.

1. 43 फूट- सुतारवाडा
2. 45 फूट- जुने शिये नाका ओढ्यावर पाणी येवून बावडा रस्ता बंद
3. 45 फूट- रिलायन्स मॉल पिछाडीस कुंभार गल्ली, कामगार चाळ, कांदा बटाटा मार्केट शाहूपुरी कोंडा ओळ
4. 46 फूट 5 इंच- व्हिनस कॉर्नर, व्हिनस टॉकीज ते बर्फ फॅक्टरी रस्ता बंद, नाईक मळा, पोलो ग्राऊंड
5. 47 फूट 2 इंच- पंचगंगा हॉस्पिटल, जामदार क्लब, शुक्रवार पेठ पश्चिम बाजू
6. 47 फूट 2 इंच- आयडियल कॉलनी लक्षतीर्थ वसाहत, सुतार मळा व शिंगणापूर रस्ता बंद
7. 47 फूट 4 इंच- शाहूपुरी कुंभार गल्ली, मुक्त सैनिक वसाहत, काटे मळा, यशोधा पार्क, मलयगिरी अपार्टमेंट, जाधववाडी, बापट कॅम्प, कपूर वसाहत येथे पाणी येते.
8. 47 फूट 5 इंच- रेणुका मंदिर गुंजन हॉटेल, त्रिंबाली नगर, रेणुका नगर, घाडगे गृहयोग व रेणुका मंदिर पिछाडीस पाणी येते. माळी मळा, मेडिकल कॉलेज बावडा, उलपे मळा, रमण मळा, जावडेकर इमारत, नाईक मळा, पॅलेस पिछाडीस, राजहंस प्रिंटिंग प्रेस, हरिपूजा पुरम
   • त्रिकोणी बाग ते महावीर कॉलेज रस्ता बंद
   • केव्हिज पार्क, दीप्ती पार्क, डायमंड हॉस्पिटल, अंतरंग हॉस्पिटल
   • खानविलकर पेट्रोल पंप ते जिल्हाधिकारी कार्यालय रस्ता बंद
   • जिल्हाधिकारी कार्यालय ते महावीर कॉलेज वाया पाटलाचा वाडा रस्ता बंद
   • बसंत बहार ते जिल्हाधिकारी कार्यालय रस्ता बंद
   • भालजी पेंढारकर हॉल परिसर (महावीर गार्डन दक्षिण बाजू)
   • दसरा चौक ते व्हिनस कॉर्नर रस्ता बंद
   • दुर्गा मंदिर (लक्षतीर्थ वसाहत )
9. 47 फूट 5 इंच- विलसर पूल ते व्हीनस कॉर्नर रस्ता बंद
   • लक्ष्मीपुरी ते नाईक अँड नाईक कंपनी रस्ता बंद
   • गवत मंडई रस्त्याची पश्चिम बाजू पाण्यात
10. 47 फूट 7 इंच- सुभाष रोड (टायटन शोरुम ते फोर्ड कॉर्नर) रस्ता बंद
11. 47 फूट 8 इंच- पिनाक, सनसिटी, माळी मळा, महावीर कॉलेज पिछाडिस, पोलो ग्राऊंड, जावडेकर अपार्टमेंट, ड्रिम वर्डची मागील बाजूस
12. 48 फूट – मुक्त सैनिक रिक्षा स्टॉप ते मलयगिरी रस्ता बंद
    • काटे मळा ते सफायर पार्क रस्ता बंद
    • मेनन बंगला ते शेळकेसो नगरसेवक घरासमोरील रस्ता बंद
13. 48 फूट 8 इंच- शंकराचार्य मठ, पंचगंगा तालीम (जामदार क्लब ते पंचगंगा हॉस्पिटल रस्त्याची पश्चिम बाजू पूर्ण पाण्यात )
    • उषा टॉकिज (बी न्युज ऑफिस ते व्हीनस कॉर्नर रस्ता बंद (स्टेशन रोड)
14. 49 फूट 11 इंच- घोडकेवाडी, मुक्त सैनिक वसाहत पूर्व बाजू, एमएसईबी, बापट कॅम्प, कदमवाडी, गणेश पार्क
15. 51 फूट – दुधाळी (कोल्हापूर ऑर्थोपेडीक सेंटर, महाराणा प्रताप हायस्कूल) उत्तरेश्वर गवत मंडई नाका, दुधाळी ग्राऊंड परिसर
16. 51 फूट 8 इंच- कोल्हापूर कमान ते टोल नाका रस्ता बंद
17. 53 फूट – बसंत बहार ते जिल्हाधिकारी कार्यालय पूर्व भाग पाण्यात (जिल्हाधिकारी कार्यालय पिछाडीस उमेदपुरी)
18. 55 फूट 7 इंच- जिल्हाधिकारी कार्यालयामध्ये अंदाजे 3 ते 4 फुट पाणी व जिल्हाधिकारी कार्यालय समोरील भाग (नागाळा पार्क) पुराचे पाणी